[4/1/07 - 10:29 pm] 不如意的事總會一起發生，為了學業,在不足夠的時間裏，每一天都捱到2 ,3 點 ; 然後 接著的另一天回到公司，面對不如意而又密集的工作，只可以說一句身心俱疲。 以往如果在這事時候 , 一個msn或者一個電話會是我一個最大的支持, 不過現在大家好像以經有兩三星期沒有聯絡了，冷戰還是要繼續下去嗎? read 1| cmnt|mem|edit

[3/28/07 - 8:24 pm] 累透了........ cmnt|mem|edit

Tell me what you think [3/12/07 - 11:11 pm] 對妳說的每一句話，我也是發至內心的真心話，但為何我連說出口妳也不允許 ?妳想我點， "You know what I think?"，這是一個問題 ，還是一個答覆? 今天因妳這一句說話，我不能再集中精神工作，渡過了失望的一整天;記得在在幾分鐘前，我還因妳的一句 "hihi" 而高興莫名。 Tell me what you think,我也希望明白妳心中在想著什麼，是否我當什麼事也沒有，就是妳最期待的結果? cmnt|mem|edit

都係我衰 [3/5/07 - 1:49 pm] 有時自己都幾無聊，我都幾喜歡時不時上自已個blog , 但唔係post 野 ,只係看看有冇新留言俾自己，不過答案係無人law。 係，我認係我懶，係我衰law，有一段長時間都無update個blog , 但妳哋都唔好對我咁冷淡好冇呀...... read 1| cmnt|mem|edit

.. [2/2/07 - 12:29 am] 我是憤怒 cmnt|mem|edit

陰天 [2/1/07 - 12:29 am] 我清楚自己是一個樂天知命的人，但最近這一段日子﹐人總是古怪的。 昨晚我話妳怪怪哋，其實係話我自己﹐對唔住。 怎麼說呢?就好像感到自己下一刻就會不存在似的........ 如果這一刻真的要來臨的話，我希望能多看一次妳的笑容，已經很滿足。 cmnt|mem|edit

一個來電 [1/24/07 - 7:38 pm] 今早請了半天假期，處理一件令自己很擔心的事情。 完成後，準備返工時，收到一個來電。 想也沒想過，原來真的會給我電話，有種很溫暖的感覺湧上心頭，腦中卻空白一片，所以對話時一直只能報以傻笑聲..... 多謝 cmnt|mem|edit

MISS [1/15/07 - 10:39 pm] ~~Copied from 海灘的一天 MISS這個字很有趣，一般情況下，Miss是小姐的專稱，又可解作錯失，亦可解作想念.... 『我MISS左同MISS XX見面機會，我而家好MISS佢...』 一句說話，三個MISS，分演不同角色，小一個MISS，事情就不會發生，無錯過，就不會想念，無MISS X出現過，就不會因錯過而想念..... 你有無試過因為自己太「純」，不敢向喜歡的人表白，白白MISS左一個同MISS乜乜發展的機會，自己只好繼續日又miss，夜又miss佢;有D人，機會一miss左就要等好耐，怎至再無機會，所以趕快「行動」『MISSION』啦！miss左D「純」去，坦誠同人家表白，唔好再扮野係度等人問有冇MISS佢時，你就答「有時啦~~」 有時掛住你即係「MISS U SOMETIMES！」 咁即係M.U.S.T 啦！ 不如坦白同對方講聲「我曼聯！」 好掛住你！有時你以為對方 明白你做的一切，可惜對方往往MISsUNDERSTAND！ miss HK係香港小姐，並唔係掛住香港，表錯情好鬼尷.....講白d穩陣好多！ 然後到第六十個掛念日當天，去MISS SIXTY 買份禮送給對方，又或者送俾自己做個紀念，不過揀左係果件就果件，唔好羅錯，否則就會變成MISsTAKE，亦都會miss lead你地發展！對一個你miss人，除左要miss左d純，仲要add另一個唇！action啦！ MISS U MUCH MUM cmnt|mem|edit

可愛女人 [1/2/07 - 10:31 pm] 今天首天返工，只睡得4小時的狀況下返工，累;坐在位上，看到日曆，發現有段日子都無"紅日"假期，好累;今日重要開例會，更累。但無論如何我都要撐下去，因為今日我約了N@T 去 dinner，加油!!! 約了在旺€角等，我決定早一點去到，因為要確定自己有否記錯餐館的位置，其實我自己早已是一個公認的超級路痴﹐不過其實一山還有一山高........。N@T 來到了，看一看她，好像瘦了一點wo，今日佢係兩隻眼呢，但我還是覺得四眼會好看一點。 去了一間叫"夏雪"的地方食日本野，那裏食物其都ok，但那裏的飲品幾特別，我哋選了一個藍色的(個名唔記得了)同其它食物。當開始進食前，N@T祝賀我升職，我就同佢講希望佢今年工作開心一點^^ 其實呢，自己準備了一份禮物俾佢，係一隻行路的pingu，得意嗎? 而當N@T抱起個公仔時，那一刻我覺得N@T真係好可愛，笑得好靚，好迷人。送個公仔俾妳係值得的。 時間你可以走慢一點嗎?又要送N@T回家了。 cmnt|mem|edit

2007 新年快樂 [1/1/07 - 12:54 am] 新的學年，新的職位，新的工作，好多好多新的東西。今年真係好有"新年"的感覺。 今年自己有以下的目標 ： 學業：上年可以說是成功,雖然過程極不順利，今年希望可以做得更好。(信心指數 : 5) 事業：上年大上大落，今年希望能得到更多機會，接觸更多的system﹐學會更多的東西。 (信心指數 : 4) 愛情：雖然有喜歡的人，但上年仍然空白一片，今年希望有突破啦 。(信心指數：我都唔知) cmnt|mem|edit

大起大落 [12/29/06 - 11:46 pm] 今天係聖誕節後我首天工作，其實接著又有三天假了,哈哈哈。枱頭上收到很多聖誕禮物, 好多文件..... 當我正準備開始工作時，boss 走過來，叫我搬去新的工作位置，因為我將會升職呀，好開心呀!!!! 花了半天時間，坐上剛打理好的新工作間，再看看日曆，覺得今年發生了很多事，特別在工作上可以說得上是大起大落。 由本來打算另尋工作，到返過來得到晉升的機會，自己真係要好珍惜這個機會。 cmnt|mem|edit

不會讀書 [12/27/06 - 8:49 pm] 請了數天假期,本想好好溫書,但就讀不進腦...... 可能我真係太討厭這個一科了,不過人總要學會如何做好自己討厭的事情..... 還有一天 , 加油 cmnt|mem|edit

失望 [11/30/06 - 9:39 am] 一段msn , 搞到今日成天都無乜心機工作, 不被朋友諒解, 這種感覺真難受。 cmnt|mem|edit

愛 [11/29/06 - 10:14 pm] ~~Copied from Dorothy~~ 愛上一個人的7個預兆 1---當你正在忙時 卻把手機開著 等著她/他的短信 你已經愛上她/他了 2---如果你喜歡和她/他兩個人單獨漫步 你已經愛上她/他了 3---當你和她/他在一起時 你會假裝不注意他 但是當她離/他開你的視線時 你會急著尋找她/他 你已經愛上她了 4---當她/他受傷或生病時 你會很關心她 替她/他著急 你已經愛上他了 5---當她/他和別人要好時 你會感到吃不知其味 你已經愛上她了 6---當你看到她/他那甜美的笑時 你的嘴角會揚起一絲得意的笑 你已經愛上她/他了 7---當你看到這篇文章時 心裡想到某個人 明顯以7項事情也全在我身上發生，而且我想加上第八和九項： 8---當和她/他一起時 你會覺得時間過得太快 但在等待下次見面的日子中 你卻覺得時間走得太慢 你已經愛上她了 9---當看到她/他喜歡的東西時 會馬上想起她/他 而且想把這東西送給她/他，逗她/他開心 你已經愛上她了 cmnt|mem|edit

復活 [11/19/06 - 4:56 pm] IE 一直都有問題，,一開個blog就會死左，所以很久很久都無上過自己或朋友d blog 了, 今日install 最新的ie7，但都解決唔到個問題﹐最後只有install firefox.......... 現在都總算開得返個blog,又都看其他都係用 livejournal 的日誌 剛知道有人一天食了四個ice-cream.....,有時間都係找佢通下電話先 cmnt|mem|edit

年年有今日 [8/26/06 - 4:55 pm] 今日係自己的生日，今日沒有事先張揚，今日沒有parity,今日我也沒有請假，正常地回公司工作，一切也低調得不像過往的生日。 可能你以為我終於發覺到生日是年年都會有，所以學會了平淡面對;但事實正好相反，因為一些經歷，我學會了生活無常的道理, 誰能人保證明年還會有生日? 我也學會珍惜﹐能有著多一次的"生日", 我想已是一份最好的生日禮物吧? 如果能在生日的當天，有機會和心愛的人見面,那怕時間再短﹐我想已是一種幸福。 這是就我上年的願望,今年實現了﹐生日快樂。 cmnt|mem|edit

算係good news , 但未想公佈住 [7/5/06 - 9:45 pm] 病o左好長時間啦 , 幾時才會好返呢? 今日返工時收到一個消息, 本來都係好事來的 , 但了解後反而冇乜感覺 , 可能之前有了心理準備吧。 不過未講得住,我想先告訴給一個人知先 ,haha (有時都覺得自己好天真咁.......) cmnt|mem|edit

2010 [6/30/06 - 10:03 pm] 出局了 , Argentina 有好球員 , 但幾時才會有一個好教練呢? 我信我一定會看到球隊棒杯之時 , 就在2010 ! cmnt|mem|edit

重病 [6/27/06 - 11:56 pm] 病情重係無乜好轉,還是fever同咳, 所以要轉醫生 , 但這個星期第三次看doctor了 。 doctor同我講,我應該係支氣管炎 ,最後給我了9 種藥 加一支藥水 , 重給我兩天SL........ , 我都係第一次病成咁 , 最衰都係之前 D yellow-green doctor , 明明有事就話無事 , 浪費治理的時間 cmnt|mem|edit

第二天 [6/26/06 - 11:11 pm] 熱度還未退下, 仍舊如渡假..... cmnt|mem|edit

navigation [ viewing | most recent entries ] [ go | earlier ]